متعة بلا حدود


 
دخولس .و .جالتسجيلبحـثالأعضاءالمجموعاتالبوابةالرئيسية

شاطر | 
 

 تعليمات هامة جدا للمخطوبات فقط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mahboob2007
المراقب العام
المراقب العام
avatar

عدد الرسائل : 1086
العمر : 24
تاريخ التسجيل : 10/07/2007

مُساهمةموضوع: تعليمات هامة جدا للمخطوبات فقط   الإثنين يوليو 23, 2007 6:27 pm

تعليمات مصرية للمخطوبات فقط
..آنستي العزيزة..
لو ربنا فك عقدتك..
واتخطبتي.. فإليكِ نصائحي
حتى تأخذي بخطيبك من مركب الخطوبة إلِّي محدش عارف هاترسى على إيه..
إلى مثوااااه الأخير في قفص النسانيس
قصدي قفص الزوجية السعيد ..

أجمل ما في الخطوبة العزومات الرومانسية..
على أحلى محلات أكل في البلد..
واللي عمرك مانتي شايفاها بعد الجواز..
المهم نصائحي لك عند أي عزومة مع خطيبك.. قلنا رقَّه

1 -

الأول لازم تعرفي إن الشوكة والسكينة بيتمسكوا من إيديهم من الطرف يعني
مش من الوسط ولا من البوز زي الخنجر ولا من فوق طبعًااا

2 -

العيش أوعي تفضحينا وتقطعيه بسنانك..
ولا الرغيف نصين بإيدك وكل نص لقمة وتحشري..
أوعي..
العيش بيتقطع بالسكينة في الطبق..
وبعدين تاخدي لقمة.. لقمة .. بالعافية..
قال يعني نفسك مسدودة..
اضغطي على أعصابك جدااا وبعدين لما تروَّحي..
إبقي حِـفِّي زي ماانتِ عايزة

3 -

الشوووربة..

أبوس كعب رجلك..
بند الشوربة ده مهم جدًاااا

الشوربة تتشِرب من غير صوت
خالص..
ومن غير ماتقعدي تنفخي فيها..
زي القهوجي اللي بينفخ في الحجر للزبون..
وطبعًاااااا عايزِك تنسي تمامًا..
السلطانية اللي بتقيميها على بقك في البيت وتدلدقي على روحك ..
بالمعلقة وبدون صوت..
سخنة, ولعة , برضه بدون صوت
وتسيبي تلت الطبق ع الأقل.. مش تميّليه.. عشان تلهطيها لآخر نقطة

4 -
الرز طبعاً ..
بيتّاكل بالشوكة..
أوعي إيدك تتمد على المعلقة
وتغرفي من طبق الرز وتعبّي..
إوعي.. الرز بالشوكة.. وكإنك بتبوسيه مش بتاكليه

5 -

المكرونة.. الاسباجتي..
برضه بالشوكة.. تتلف على طرف الشوكة..
لحد ما تخلص وبعدين تحطيها فـ بؤك من سكات..
مش تشفطي المكرونة عود عود


6 -

السمك..
مشكلة..
شوفي..
بتفصلي اللحم عن الشوك إزاي..؟؟
تقطعي اللحم من النص.
بالطول وبعدين تفردي اللحم على الجانبين ولما تخلصي ناحية..
متقلبيش السمكة.. بلاش فلح
شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده..
نصيحة ماتكليش السمك خالص..
قولي مابحبش السمك وخلصي نفسك


7 -

الجمبري..
-إذا كنتي عارفاه-..
أول ماطبق الجمبري ينزل..
بصيله بقرف واحتقار شديدين..
آلـ يعني زهقانة من كتر أكل الجمبري الجامبو ف بيت بابّااااا..
واتنهّدي جامد وقولي.. برضه..؟؟؟
وتروحي قاطعة راس الجمبريّاية.. بالشوكة..
أنا فـ عرضك إنسي المصمصة دلوقتي

8 -

البطاطس سواء مسلوقة أو محمرة..
أوعي تهرسيها وتدبيها على الرز وتدّي
...لا..لآ...لآ...
بالشوكة حتة حتة
وإنت زي ما تكوني هاتعيطي من كتر ما البطاطس صعبانة عليكي

9 -

الفاكهة..
لو الفاكهة فيها بذر..
طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي عـ الترابيزة أوعي ياحبيبتي من نظام التفتفة للبذر.. إنسي


10 -

ولما تخلّصي أكل تحطي إيدك على بطنك..
-اللي عصافيرها بتصوصو من العينات اللي كلتيها-..
وتقولي له مش ممكن..
أنا عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير لزمة
.. وتبوسيها.. آلـ يعني بتمسحي
بؤّك

وبعدين تستأذني منه لإصلاح ماكياجك..
وتخشي التواليت وتطلعي من شنطة إيديك.. لفة الفول والطعمية اللي جايباها معاكي..

وبالهنا والشفااااااااااااا

احنـــا بنهزر مش بنتكلم جد يا جدعان

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
k@k@_madridi
عضوبرونزى
عضوبرونزى
avatar

عدد الرسائل : 542
العمر : 24
تاريخ التسجيل : 10/07/2007

مُساهمةموضوع: رد: تعليمات هامة جدا للمخطوبات فقط   الإثنين يوليو 23, 2007 6:43 pm

هههههههههههههه مشكووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mahboob2007
المراقب العام
المراقب العام
avatar

عدد الرسائل : 1086
العمر : 24
تاريخ التسجيل : 10/07/2007

مُساهمةموضوع: رد: تعليمات هامة جدا للمخطوبات فقط   الأربعاء يوليو 25, 2007 4:00 pm

العفو حبيبي

ومشكووور عزيزي على المرور الرائع

_________________
زيدان الساحر بلمساته ... الدقيق بتمريراته
القناص بتسديداته ... الكبير بإنجازاته
روح القياده من مميزاته ... أسطوره بحد ذاته
خياليه أخلاقه ... كثيره ألقابه
للطبيعه هو الألوان ... وللموسيقى هو الألحان
ولكرة القدم هو العنوان
زيدان الفنان يمتع بكل مكان ... الأفضل مهما طال الزمان
قهر خصومه ... أسكت كل منتقد يلومه
المبدع بإبداعه ... أستاذ للفن بأنواعه
كل هذه بعض صفاته
.-.-[ نهاية الأسطوره ]-.-.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Blue Fire
نائب المدير
نائب المدير
avatar

عدد الرسائل : 1445
تاريخ التسجيل : 10/07/2007

مُساهمةموضوع: رد: تعليمات هامة جدا للمخطوبات فقط   الجمعة يوليو 27, 2007 6:59 pm

هههههههههه

مشكوور على الموضووع

تحياااااتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mahboob2007
المراقب العام
المراقب العام
avatar

عدد الرسائل : 1086
العمر : 24
تاريخ التسجيل : 10/07/2007

مُساهمةموضوع: رد: تعليمات هامة جدا للمخطوبات فقط   السبت يوليو 28, 2007 4:46 pm

العفوز عزيزي وألف شكر على المرور الرائع

تحياتي

_________________
زيدان الساحر بلمساته ... الدقيق بتمريراته
القناص بتسديداته ... الكبير بإنجازاته
روح القياده من مميزاته ... أسطوره بحد ذاته
خياليه أخلاقه ... كثيره ألقابه
للطبيعه هو الألوان ... وللموسيقى هو الألحان
ولكرة القدم هو العنوان
زيدان الفنان يمتع بكل مكان ... الأفضل مهما طال الزمان
قهر خصومه ... أسكت كل منتقد يلومه
المبدع بإبداعه ... أستاذ للفن بأنواعه
كل هذه بعض صفاته
.-.-[ نهاية الأسطوره ]-.-.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعليمات هامة جدا للمخطوبات فقط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
متعة بلا حدود :: اقسام الترفية والمرح :: قسم النكت والطرائف-
انتقل الى: